بقه عاجبك ابات موجوع
ولااكل ولا اشرب
وحتى الفرح كان ممنوع
بقه عاجبك ابات ابكى
من الهم اللى انا فيه
وتغلبنى عيونى دموع
خلاص يعنى بقيت كُخه
مليش عندك يادوب ذكرى
يكون قدرى بها مرفوع
حرام افرح عشان خاطرك
وحتى الفرح مش مشروع
بقه يرضيك حبيب قلبى
اكون عندك مليش قيمه
تحسسنى أن انا جربوع
عاوز تمشى وتقهرنى
وانا امشى معدش رجوع
دا انا امسك
وانا شمسك
وانا همسك
ولا استحملش يوم لمسك
عشان حبك شعور طاهر
كما الينبوع
انا دونك اكون حجره
اكون شجره
لكن شجره ماليها فروع
عاوز تمشى تسيبنى خلاص
تموتنى بكل رصاص
وانا حبك ياروح قلبى
كنهر الحب والاخلاص
انا منك
ولاكنك
عاوز منى تشوفلى خلاص
وشريانى يكون مقطوع
ساعات بستنى اشوفك بس لو لحظه
ف عز الحر بستناك واكون ملطوع
بلاش تبعد عشان خاطرى
ولو حتى مليش عندك
ولاموضوع
وانا راضى اكون مخدوع
عشان حبك ف تكوينى
ف شرايينى
عشان حبك بيحيينى
وكمان بعدك هيمحينى
هموت بعدك واكون مصروع
انا مستنى كلمنى
عشان خاطرى
يادوب لحظه تطمنى
عشان بعدك بيألمنى
بكلمه حب من عندك
تطمنى
وينتهى الموضوع
======
مستر /عطيه الخضرى
قلين-كفر الشيخ
بقه عاجبك
2019-08-13, 10:05
