عندى جار
أرقى منه والله الحمار
عامل تقى
تاجر ف دين
ياألف عار
شكل ومناظر
نفاق بجد لكل ناظر
وأهو جارى للأسف
ومفيش ف ايدى أختيار
ولاله كبير
ولاحد عاقل بيه أستجار
شفت منه ومن خواته
كل المرار
اللهى مايسامحك يا جار
والله وبحسبن عليهم ليل نهار
أتقى منهم الفُّجَّار
والكفَّار
مافيش ما بينَّا يوم عمار
ولافيه حوار
بيتهم وواسع
يجرى فيه الخيل
لكن شارعنا
واخدينه استعمار
ناس تتعامل بأستحمار
سنين طويله بعانى م المرار
وللأسف عشان مراتى طيبه
حايشانى عن مشاكل
أو أشاكل
ومش عارف اخد بجد القرار
ولاقادر يوم أشتكيهم
وهنول فيهم
غلطانين وبيغلطوا
وبأستمرار
قادر ربنا ياخدلى منهم
وأرتاح ف قلب الدَّار
فلاحين وكيادين
ولاعندهم ملِّه ودين
والله جد ومش هزار
عشان كده
قررت والله العظيم أبيع الدار
لسوء الجار
=================
مستر/عطيه الخُضرى
قلين-كفر الشيخ
عندى جار أرقى منه والله الحمار
2019-08-09, 21:32
