بنعيش وعمرنا ينسرق
وبننظلم فى كل وقت
ودمنا
طول عمرنا
وبكل قسوه ينحرق
ومسئولينا
عايشين وبس لوحدهم
ولنفسهم
ولاحد منَّا عندهم
يوم فرق
ميهمُهمش
غير يسرقوا
ولدمنا يرفعوا ويحرقوا
ميهمُمش
لوحد فينا يوم غرق
ومسئولين حبة ورق
دُنيا وغبيه
جينا فيها زى ضوء
يادوب برق
لحظه أختفى
وياب لنا كُل الأرق
بنتولد وع الورق
ونتعب مذاكره
وأهلنا يصرفوا
كل دم قلبهم
عشان شهاده
يادوب وبس حتة ورق
ويعينونا بالورق
ويجوزونا بالورق
ويأكلونا بالورق
ويشربونا بالورق
ويحبسونا بالورق
ويطلقونا بالورق
ولما نيجى
نموت خلاص
الموت كمان
حتة ورق
عايشين
وكل واحد مننا
قلبه أنحرق
والحلم برضه
جوانا مات
ضاع وأنحرق
ولافيه أمل
جه وخش
على باب قلوبنا
يوم طرق
لكن الأمل جوه القلوب
مات م الغرق
واحنا النهارده
فىنار وصهد
ومايتين جوه العرق
يارب نرتاح م الحياه
ياتيجى نجده ربنا
نلقى نور الشمس
يوم شرق
==========
مستر/عطيه الخُضرى
قلين -كفر الشيخ
يارب نرتاح م الحياه
2019-07-11, 07:34
