مبروك عليك أنته أنتصرت
مبروك انى أنقهرت
يابتاع مصالحك
كنت تغضب
وانا كنت من غباوتى بصالحك
ومستعد لأى شىءيكون ف صالحك
من كتر صدقى
والله العظيم انته انبهرت
والله حتى ف يوم ولافكرت
ولاأتحولت عنك لحظه
ولا أتغيرت
علشان بحبك
كنت بدِّى من غير ما أفكر
ولاعمرى لحظه عنك انتظرت
ورغم كل الحب ده
أنته السبب انى انكسرت
انته السبب انى أتأسرت
وياما قلت كتير
وياما من حرقتى فسرت
ولاعمر قلبك كان يسأل ف يوم
ولاأستفسرت
حتى يوم كلمه بحبك
على قلبى أنا كنت البخيل اللى استخسرت
اوعاك ف مره تدعى
انك معى
حاسس بحرقه أضلعى
حاسس بمرى وأدمعى
بكره تعرف انك لكل شىء خسرت
وان انا والله العظيم
كنت بدِّى عمرى كله ولا أتأخرت
ولافيك لأى شىء أستخسرت
لكن بكذبك وبنفاقك
كنت زى الزيف بجد وأتبخرت
انا اللى عمرى كان كله ليك
كنت حابب ان ليك اتسخرت
فوضت امرى لربنا
ياخد لى منك
وعمرى ما أقبل أعتذارك لو اعتذرت
غرقتنى
وقهرتنى
من غير سبب وتركتنى
وسط المخاطر سبتنى
وألمتنى
يارب تسهر م الألم
زى أنا ما يوم سهرت
وتنكسر وتنشطر
زى انا يوم انشطرت
يارب يبتليك بحيره
وتكون كبيره
زى انا يوم ما اتحيرت
ويبتليك بالقهر يا اخى
زى ما أنقهرت
==============
مبروك عليك أنته أنتصرت
2018-09-16, 12:02
