أصبحنا فى نهايه القرن العشرين ومازال البعض يعلم التلاميذ الصغار بنظام (الزعيق )
زعيق زعيق زعيق زعيق
الواد بيلعب بالزعيق
شرح المعلم بالزعيق
علِّى صوتك
والحمير نازلين نهيق
خرزانه ضرب وتغريمات
وكل واحد له فريق
والمكايد تتنصب
وكل حته فيه حريق
والولد تايه ياعينى
واباهاتهم كل أب صار غريق
وابنه تايه ف الطريق
والنتيجه مفيش نتيجه
ولادرجه حلوه تبل ريق
وابوه بيدفع نن عينه
فى الزفير وف الشهيق
راح اسقطك
والولد مرغوم يروح
والله وبحق وحقيق
امته يرجع الضمير
وتخلى تلميذك صديق
فهِّمه من غير زعيق
أبتكر دايما وسايل
صلَّح الوضع اللى مايل
بدون تميييز ولاتفريق
صلح الوضع الغلط
يا صاحب الأصل العريق
ولاعمر تعليم بالزعيق
والله موجود الأمل
تكون ف وضع بيك يليق
والشمس ظاهره للجميع
للأمل مازال بريق
==============
مستر/عطيه الخضرى
قلين كفر الشيخ