ياللى قايده فيكوا نار
أنا مش حُمار
أنا بِسكلته
اخر جمال من كل حِتِّه
انا بس واحده
لكن مقامى
بيساوى سِتِّه
أنا جايه زيروا
ولا فيَّه عيب
ولافيِّه عِتَّه
النباهه والوجاهه
أنا من حمير الناس واخدها
لو فيكوا نار
يبقى أنا اللى
ف يوم قايدها
أنا هنطلق
من بعد طول الانتظار
ياللى قايده فيكوا نار
أنا مش حُمار
مفيش حُمار يضرب أخوه
يوم ع القفا
ومفيش حُمار
يخدع حُمار
أو يضربه يوم
فى الخفا
كُل الحمير
عارفه الوفا
حمير صحيح
ولاعُمرها يوم خطرفت
عاقله بصحيح ومُثقفه
ولاعُمرها بتسيب ولادها
ولاجرحت حتى ف بلدها
يادوبك البرسيم وبس
هوه زادها
ولاعمرهاش تعرف چفا
حتى القُلُوب
جوه الحمير متنضفه
تلقى الزكاوه
فى العقول متكلِفه
ولما يبقى الجو حر
بتهز ديلهاحوالين عِيالها
تبقى الحياه
زى الربيع متلطفه
ولما يبقى الجوبرد
تجمع عيالها
تعمل لهم غطا وأِلحفه
ومهما تشتد الحياه
ولاعُمرها متوقفه
ولاعمرهاش تعرف هزار
ياللى قايده فيكوا نار
أنا مش حُمار
============
مستر/عطيه الخضرى
قلين = كفرالشيخ
ياللى قايده فيكوا نار أنا مش حُمار
2017-06-25, 06:21
