تعمل أيه لو أنهزمت؟
تعمل أيه لو أنهدمت؟
تعمل ايه لو أنصدمت؟
أنعدم عنك حياتك وأنعدمت؟
لو عملت ف مرَّه خير
بعدين ندمت؟
تعمل ايه لو تقدِّم كل خير
وتلقى نفسك أنظلمت؟
لو تقول الحق مره
ويبقى مُر وتقول ياريتنى
كُنت أنكتمت؟
تعمل أيه لو أنشتمت؟
لما تلقى السن يجرى
وأنته عاجزقاعد ف صمت؟.
من كل معنى للحياه انته انحرمت؟
أقولك أنا هتعمل أيه؟
قول يارب
تلقى نفسك أنخدمت
تلقى الهموم بتزول وتبعد
وتحس أنك أنكرمت
وتنفرج عنك كروبك
تشعر بأنك اترحمت
ويموت عدوك
اللى يامه واخدها شمت
امسك كتاب الله واقرا
وفى الصلاه تبقى انتظمت
وتقول لنفسك تفتخر
أنك قريت كتاب الله وكمان ختمت
يرضى رب الكون عليك
وف جنته هتكون نعمت
=============
مستر /عطيه الخضرى
تعمل أيه؟
2016-05-23, 11:11
