يا سويس أاه يا قناتنا
أجمعى فُرقه شتاتنا
قولى للريِّس يا سيسى
مصر نفديها بحياتنا
قالوا لمَّا حلمت بيها
اللى قبلك كان ناويها
ولما حلمك صار حقيقه
قاموا ف قلوبهم حريقه
خططوا يشوفوا طريقه
لجل مصر تموت غريقه
ققالوا طشت وقالوا ترعه
السمك ميعش فيها
أصل ربك عدل حافظ
مصر دايما كان حاميها
رب يهديهم خواتنا
يا سويس أااه يا قناتنا
أجمعى فُرقه شتاتنا
قولى للريِّس يا سيسى
مصر نفديها بحياتنا
مشروعات فى كل حته
والكفاء ة الناس شافتها
والجينات اِصرار عزيمه
والفراعنه حرَّكتها
لسَّه فيها نهر نيل
والأمل مازال طويل
والمصاروه معروفين
أنه ما فيش مستحيل
أصلُّه مصرى نبت أرضه
أرضى ربُّه وصلَّى فرضُه
ولا عُمرها الأحلام تعارضه
مصرنا مالهاش مثيل
مصرنا عِزَّة ثباتنا
يا سويس أاه يا قناتنا
أجمعى فُرقه شتاتنا
قولى للريِّس يا سيسى
مصر نفديها بحياتنا
=
مستر/عطيه الخُضرى
قلين – كفر الشيخ
يا سويس أاه يا قناتنا
2015-08-05, 21:35
