ياحبة قلبى يا بلدى
هغنيلك
مواويلك
وأخد من عُمرى وأديلك
ويوم ما تنادى
يا بلادى
أسيب الدُّنيا وأجيلك
وأقيد عُمرى
بزيت قلبى قناديلك
عشان عايشه فى شريانى
مانيش مستنى تهليلك
وجنَّات النعيم كلُّه
ف لحظة قرب أحكيلك
ولو هبعد ف يوم عنك
وبينَّا بُحُور هعديلك
أنا مصرى
وفرعونك
وأنا ف عُونك
وأبو الهُول
اللى ف عيونك
بألف لك
وبحلف لك
ورب الكون
ما هنخونك
ورب الكون وهنصونك
أنا مصرى
بلون هرمك
ولون كرمك
وبحترمك
وأنا بعشق تراب أرضك
وأصون عرضك
أنا عاشقك ومجنونك
أنا نهرك
حاسس قهرك
ولو ن العشق من لونك
أنا كونك
أنا نُورك أنا شمسك
أنا نبتك بلون اليوم
ولون أمسك
ولو هقدر فى يوم أمسك
أجيب لك نجمه وأهديلك
لكن عاتب على كبيرك
يزيد أحمال على أحمال
على فقيرك
وأنا المحتاج
ماليش غيرك
أنا المسكين
ومستنى ف يوم خيرك
ومستنى كمان طيرك
يغنيلك
قولى للريس السيسى
ياريس خفَّها عنى
عشان أبدأ ف تنفيسى
أنا مش لاقى ياريس
وأنا أعلنت تفليسى
بعيَّط لك
وببكيلك
ولا بتراعى أحاسيسى
وأنا صادق فى احساسى
وأنفاسى
ومش تأليف ولا تخريف
ولا بسخر بتأليسى
مانيش لاقى ياريسنا
لكن حوجه
وناس عوجه
وأحزاننا تاكل فينا
تخسسنا
ولافرحه تحسسنا
بقه نستاهل الذله
وكل قلوبنا تدعيلك
لكن عاتب على كبيرك
2014-09-18, 07:28
