الناس فيها المواجيع
لسَّاها عبيد وقطيع
بتؤمر والناس بتطيع
والدُّنيا بتضرب فيهم
والهم نازل تقطيع
ايه فايدتها المشاريع؟
علشان نتقدم يعنى
وأزاى نتقدم وأحنا
فى ظلام وف هم فظيع
مشكلة النُّور من ناحيه
ووزير نازل تمطيع
يرضيك تفسد تلاجتك
وتبُوز الغاليه دجاجتك
واللاب وجهاز الحاسب
والدُّنيا بتشترى فينا
وبذُُل الذُل تبيع
قلت لنا هتبقى ربيع
وهتبقى الفارس عنتر
وعملت أسد وشجيع
لسَّاها الكهربا تقطع
ف المرَّة 8 مرات
والناس ملِّت واتضايقت
بتحسبن ف الصلوات
والناس ف المُر يا ريِِّس
والناس محتاجه تشجيع
مش تيجى تعدِّل حاجه
تنزل ف الناس تقطيع
هتحل مشاكل النُّور
راح تنحل المواضيع
عارفينك راجل وطنى
مخلص طيب ووديع
متديِّن أخلاق عاليه
من مستوى راقى رفيع
التوب الناصع دايما
مش محتاج الترقيع
واللى بياكُل طيب
مش هيحس بترجيع
===========
مستر/عطيه الخضرى
الناس فى المر يا ريس
2014-08-21, 04:27
