أنا والله ما كان قصدى تشيل منى
ولا كان قصدى والله تشيل عنى
أنا حسيت بقلب رحيم يشيل عنى
وأنا ظنيت
ولما أحكى يزول همى
وخاب ظنى
وادينى حكيت
واحسست ان انا انذَّليت
ولافكَّيت ولا حلَّيت
ولا نابنيش غيرالذِّله
رجعت بكيت
واقول يارب ساعدنى مليش غيرك
انا عبدك ومتعشم يبان خيرك
وسامحنى يارب الكون مليش غيرك
وياقادر تعدَّ ِيها
تفرَّجها وتمحيها
وتسترها على عيالى
وتفرجها وترخيها
ماليش غيرك
ولا لياش تراب فيها
مانيش عارف اقولَّك أيه
ولاقادر احاكيها
ولا احكيها
يارب انته اللى عارفها
مقدَّرها وعالم بيها
وراجع لك وبستغفر ولاكنِّى
أنا والله ما كان قصدى تشيل منى
ولا كان قصدى والله تشيل عنى
أنا حسيت بقلب رحيم يشيل عنى
أنا والله ما كان قصدى تشيل منى
2013-07-28, 20:22
