يا ريِّس مرسى
أمته هتغضب
لما افراد الشرطه تموت
لما يكون الامن بحالُه ف ايد هلفوت
بيطمِّنَّا
وبيسخر منِّا بكلام ملتُوت
كفايه يا ريِّس ومعدش سُكُوت
اللى يِمَوِّت واحد منا
يبقى يموت
طبَّق شرع الله وبسرعه
مِش مِحتاجه نِعَلِى الصوت
لو مات الامن
ومات الجيش
يبقى حرام على مصر القوت
امته هتغضب
بس يا ريِّس
الناس بتموت
قُلنا فيه ايه
نفهم ونشارك وكمان نِطَّوَع
نحمى بلدنا و اهلا بالموت
حَدِّث ياللا سلاح الشرطه
وسلاح الجيش
معدش هينفع فيه نَبُوت
ولا نتغطى بورق التوت
لو تفضل ساكت
الامن يموت
والهرم الشامخ
هينخور فيه دم البرغوت
لازم تتحرك
تغضب وبسرعه
الجيش بيموت
محنَّش عارفين
ايه اللى بيحصل الصوت مكبُوت
والشرطه اهى برضه افراد بتموت
انته ابن الثوره منتش ملطوط
يا ريِّس مرسى أمته هتغضب 
2012-11-04, 05:25
