مش هو ده
القلب اللى قال لك
يوم بحبك تكسره
بعد كل الحب ده
جاى تانى وتخسره
جاى تانى
عشان تقول له
بعتذر
انته فاكر اعتذارك
ييجى يوم ويخدره
كان كفايه تعذره
كان بأيدك تكسبه
لو كنت يوم بتقدره
تهجر وتبعد
وتيجى تانى تعتذر
نفس الغلط بتكرره
قدام عينيك ويتنكره
ولامره حتى تنظره
كات السعاده فى قربى منك
ليه الفرح بتمرره
فى كل مره بعذرك
واقول لقلبى بفكَّره
بضحك عليه عشان يسامحك
وقلبى يقوللى أِعذُره
الحب نعمة ربنا
بس الخيانه تِِطَيَّره
الحب صدق يضٌُمنا
ولا عُمر شىء بيغَيَّره
اما اللى يلعب بالهوى
يتبع شيطانُه يحضَّره
كل المشاعر تكرهه
وتطردُه وتحقَّره
اما اللى يصدق
كل المشاعر
تحضنه وتعطَّره
_________________
عطيه خضرى عطيه
قلين / كفر الشيخ
القلب اللى قال لك
2012-10-18, 05:41
