القاعات العامة

**misterattia** · 2012-06-01, 21:45

يا خلق هوه امى تاهت
حدش شاف امى يا ولاد الحلال
امى ست الناس
مكنش ليها فى العالم مثال
امى اللى كانت ميكفهاش اقوال
امى اللى كان اولادها دايما رجال
عمرهم ما كانوا ف يوم عيال
ولا بلطجيه ولا اندال
امى اللى كان حضنها
ميتقدرش بمال
امى اللى كات كامله وعايقه
ولله الكمال
امى العزيزه
ليه ولادها بيضربوها بالنعال
ليه كل يوم مسيره
وشتيمه وانفعال
مش تحمدوا ربنا
خلصنا من وضع كان محال
ليه كل شىء عايزينه باستعجال
ادوا لامكم فرصه دا الوضع مال
شمس حريتكم جات
ادوا لها فرصه
مش عايزين نعيش تانى ف ظلال
كدا مبسوطين
امكم بتوووه جناحها بيتنتف
كان فيها نيل لكنه جف
كان فيها مصرى داخ ولف
كان فيها مصرى
من حسرته عقله خف
كان فيها مصرى عايش ع السلف
كان فيها مصرى مش لاقى ياكل
وطيوره مش لاقيه العلف
كان فيها مصرى جوه قلبه حب
لكن تلف
المصرى كان زمان بيبنى
كان عابد عمره ما انحرف
ولا لاى تيار انجرف
كان فيها مصرى بيحبها
عايش على الشرف
كان فيها مصرى صلب
مهما شاف من قرف
مش زى مصرى اليوم
عن حب امه انصرف
امه اللى عمرها
ما داست لابنها على طرف
امكم اللى ربتكم على القيم
فى الحكاوى والامثال
يا خلق هوه امى تاهت
حدش شاف امى يا ولاد الحلال
امى ست الناس
مكنش ليها فى العالم مثال
امى اللى كانت ميكفهاش اقوال
امى اللى كان اولادها دايما رجال
عمرهم ما كانوا ف يوم عيال
ولا بلطجيه ولا اندال
امى اللى كان حضنها
ميتقدرش بمال
امى اللى كات كامله وعايقه
ولله الكمال
امى العزيزه
ليه ولادها بيضربوها بالنعال
ليه كل يوم مسيره
وشتيمه وانفعال
مش تحمدوا ربنا
خلصنا من وضع كان محال
ليه كل شىء عايزينه باستعجال
ادوا لامكم فرصه دا الوضع مال
شمس حريتكم جات
ادوا لها فرصه
مش عايزين نعيش تانى ف ظلال
كانوا سارقينها العصابه
شله كلاب وسط غابه
دول تعالب مش ديابه
لان الديب عمره
ما ياكل ولاده الغلابه
وللاسف كانوا ولادك يا مصر
ما انتو عارفين البطن قلابه
مصر اللى كان شعبها
مش بس طيب
لكنه قاموس ف الطيابه
كان فيها مصرى مسلم
واخوه مسيحى
كان فيها ناس قدوتها الرسول
ومن بعده الصحابه
كان فيه مصرى
يعرف يشيل احمال

يا خلق هوه امى تاهت
حدش شاف امى يا ولاد الحلال
امى ست الناس
مكنش ليها فى العالم مثال
امى اللى كانت ميكفهاش اقوال
امى اللى كان اولادها دايما رجال
عمرهم ما كانوا ف يوم عيال
ولا بلطجيه ولا اندال
امى اللى كان حضنها
ميتقدرش بمال
امى اللى كات كامله وعايقه
ولله الكمال
امى العزيزه
ليه ولادها بيضربوها بالنعال
ليه كل يوم مسيره
وشتيمه وانفعال
مش تحمدوا ربنا
خلصنا من وضع كان محال
ليه كل شىء عايزينه باستعجال
ادوا لامكم فرصه دا الوضع مال
شمس حريتكم جات
ادوا لها فرصه
مش عايزين نعيش تانى ف ظلال
احنا ليه بقينا كده
سايبين امنا بتتووه
ليه بنقطع ف ناسنا
ايه ذنبهم عملووه
ولاد بلدنا الغلابه
حلمهم ليه تشنقوه
واللى مش لاقى عمل
واللى ضاع منه الامل
ليه بتعذبوه
والحلم اللى بادى فى الظهور
ليه بتحزبوه
الحرامى فى ارضنا
امته هتحكمووه
اعدموه
واعدموا كل اللى يوم وافقووه
الهرم مال يا نااس
بسرعه وقفووه
لو هرمكم ضاع منكم
مش هتلاقووه
كل نصاب او بلطجى امسكووه
من عافيته اعدمووه
دا نبت الحرام
مش نبت ابووه
كل نصاب او بلطجى احرقووه
ما ترحمووه
دا شيطان لازم ترجمووه
عايزين نعيش بقه
نفسنا ندوق الجاتووه
نفسنا يعم الخير ونشفووه
نفسنا نعمل بجد
عشان وطننا نشرفووه
اتوحدوا بقه يا خلق هووه
مصركم بتتووه
مصركم بتتوه
فى كل مجال

يا خلق هوه امى تاهت
حدش شاف امى يا ولاد الحلال
امى ست الناس
مكنش ليها فى العالم مثال
امى اللى كانت ميكفهاش اقوال
امى اللى كان اولادها دايما رجال
عمرهم ما كانوا ف يوم عيال
ولا بلطجيه ولا اندال
امى اللى كان حضنها
ميتقدرش بمال
امى اللى كات كامله وعايقه
ولله الكمال
امى العزيزه
ليه ولادها بيضربوها بالنعال
ليه كل يوم مسيره
وشتيمه وانفعال
مش تحمدوا ربنا
خلصنا من وضع كان محال
ليه كل شىء عايزينه باستعجال
ادوا لامكم فرصه دا الوضع مال
شمس حريتكم جات
ادوا لها فرصه
مش عايزين نعيش تانى ف ظلال
امكم تاهت يا ناس
امكم قوموا هتوها
استروا امكم يا ناس
من بعد ما عرووها
اتجمعوا واتوحدوا
كفايه امكم قطعووها
امكم ياللا الحقووها
اعذرووها
واسندووها
انجدووها
اتوحدوا عشان نبنوها
امكم تاهت ياللا نرجعوها
يالا نقوم فى الحال
معدش ينفع سؤال
معدش ينفع استهبال

يا خلق هوه امى تاهت
حدش شاف امى يا ولاد الحلال
امى ست الناس
مكنش ليها فى العالم مثال
امى اللى كانت ميكفهاش اقوال
امى اللى كان اولادها دايما رجال
عمرهم ما كانوا ف يوم عيال
ولا بلطجيه ولا اندال
امى اللى كان حضنها
ميتقدرش بمال
امى اللى كات كامله وعايقه
ولله الكمال
امى العزيزه
ليه ولادها بيضربوها بالنعال
ليه كل يوم مسيره
وشتيمه وانفعال
مش تحمدوا ربنا
خلصنا من وضع كان محال
ليه كل شىء عايزينه باستعجال
ادوا لامكم فرصه دا الوضع مال
شمس حريتكم جات
ادوا لها فرصه
مش عايزين نعيش تانى ف ظلال

الموضوع الأصلى : يا خلق هوه امى تاهت المصدر : منتديات رأفت الجندى الكاتب : misterattia

الندى · 2012-06-02, 06:14

يا خلق هوه امى تاهت

اقتباس :

امى العزيزه
ليه ولادها بيضربوها بالنعال
ليه كل يوم مسيره
وشتيمه وانفعال
مش تحمدوا ربنا
خلصنا من وضع كان محال
ليه كل شىء عايزينه باستعجال
ادوا لامكم فرصه دا الوضع مال
شمس حريتكم جات
ادوا لها فرصه
مش عايزين نعيش تانى ف ظلال

وااااااااااااااااو

أستاذ عطيه /

كلماتك راااااااائعه

واشعارك اروع

راااائع بكل ما تحمله الكلمة من عندى

ابداع لا مثيل له من إنسان مبدع

تقديرى واحترامى لحضرتك

الموضوع الأصلى : يا خلق هوه امى تاهت المصدر : منتديات رأفت الجندى الكاتب : الندى

**misterattia** · 2012-06-02, 08:12

يا خلق هوه امى تاهت

تقديرى وحبى لك يا ندى
اشياء اعتز بها
ولن تضيع سُدى
فانت ان لم تكن للبلاغه معنى
فانت الصوت والصدى
واحترامى وتقديرى اليك
اشياء مُؤكده

الموضوع الأصلى : يا خلق هوه امى تاهت المصدر : منتديات رأفت الجندى الكاتب : misterattia

عابر..سبيل · 2012-06-03, 06:27

يا خلق هوه امى تاهت

الموضوع الأصلى : يا خلق هوه امى تاهت المصدر : منتديات رأفت الجندى الكاتب : عابر..سبيل

القاعات العامة

القاعه الأدبية

الشعر والخواطر وعذب الكلام

قاعة الشاعر عطية الخضرى